“‘n Eerste benadering tot Willem Boshoff se kuns is om sy werk as ‘n leser van ‘n boek te benader. Beeld en woord is hier interafhanklik – dit gaan vir hom oor die begripsinhoude van woorde wat beelde skep en beelde wat tot woorde aanleiding gee. Die inhoud is gelade en ambivalent. Jou begrip van woorde, jou vermoë om dit wat jy lees, in beelde te sien – en omgekeerd – is die uitdaging vir die kyker/leser van sy enigmatiese werk.”
Lees die res van Amanda Botha se fassinerende artikel op LitNet.
Louis – kan jy asseblief vir my ‘n kopie eenkant sit en vashou tot ek weer kom om soos ‘n swyn aan die pêrels te smul? Dank by voorbaat. Dit behoort nie te ver in die verskiet te wees nie – alhoewel ek nou niemand wil dreig nie.
(Iemand vertel my juis vandag van ‘n lekker Amerikaanse modderskermleuse: “Please be nice to America or else we’ll bring our democracy to you too.”)
En indien enige van jul begeesterdes sou wonder waar om ‘n kopie van “Kykafrikaans” in die hande te kry, kan julle gerus ‘n bepaalde boekwinkel in Stellenbosch nader. Maar – soos hulle altyd (graag) sê: Beskikbaar by alle goeie boekwinkels. 🙂
Kan nie nalaat om te sê nie: Mense, wees dankbaar en bly dat julle in ‘n tyd geleef het waar julle kon kennis neem van die werk van Willem Boshoff! Die man is ‘n meester.