René Bohnen. donga

In ʼn tyd van e-boeke, beide nuwe publikasies en bestaande boeke wat in die nuwe formaat aangebied word, het ek afgekom op ʼn publikasie wat andersom werk.

donga was ʼn aanlyn projek wat deur Alan Finlay begin is en vanaf 2000 tot 2003 op die internet verskyn het. Onlnags is sommige van die werke wat aanlyn verskyn het in gedrukte vorm gebundel en uitgegee deur Bleksem en Dye Hard Press gesamentlik (ISBN 978-0-620-52779-8)

Die 320 bladsye bevat werk van o.a. Clinton du Plessis, Toast Coetzer, Lauren Beukes, Dawie Malan en Gary Cummiskey. Daar is gedigte, prosa en ʼn paar onderhoude. Keuring vir die papierboek is deur Alan Finlay en Paul Wessels gedoen.

Ek het nog maar pas begin lees aan my kopie, maar alreeds bring dit herinneringe terug van ʼn ander, opwindende tyd van sonskynpamflette met gedigte wat gratis rondgelê het op toonbanke, gedrukte tafeldoeke met gedigte wat hang in Melville se boekwinkels en tweetalige bekgevegte tot diep in die nag op Johannesburgse sypaadjies. Nou lees ek maar so al agter die nostalgie aan.

Lees ook die kort onderhoud met die samestellers, waarin Alan Finlay verduidelik dat die naam “donga” uit ʼn Wopko Jensma-gedig kom. Die onderhoud is beskikbaar op Aryan Kaganof se blog by http://kaganof.com/kagablog/2012/05/14/finlay-and-wessels-on-donga/

Bookmark and Share

3 Kommentare op “René Bohnen. donga”

  1. Dit is wat Aksie Afrikaans, n inisiatief van Cordis Trust, beoog met verskeie bydraes tot Woordpalet (www.woordpalet.co.za). Die gekeurde werke sal deur Cordis Trust Publikasies uitgegee word (Kodeks, Rooswater en Plautus praat vlot Afrikaans reeds gepubliseer).Jy hoef ook nie te lank te wag vir n virtuele boektuiste (www.dieboektuiste.co.za) wat al hierdie herinneringe sal terugbring nie.

  2. Rene Bohnen :

    Baie dankie, Dr Marais, ek sal bietjie na daardie webwerwe gaan kyk, dit klink interessant.

  3. Rene Bohnen :

    Ek sien dat Botsotso ook betrokke was by die publikasie van donga.

  •