Philip de Vos: ‘n Prent is ‘n gedig sonder woorde

Vir maande reeds oorweeg ek dit al om finaal tot siens te sê aan die Versindaba-blad: Sedert Mei verlede jaar het ek myself toegegooi met werk: Eers ’n enorme 13 episode reeks wat ek vir RSG oor Mozart geskryf het en nou weer navorsing oor ’n ander komponis wat my so besig hou dat ek aan niks anders kreatiefs kan dink nie behalwe dat ek so nou en dan die kameraknoppie druk.

Enige skrywer of digter moet besef wanneer hy uitgeskryf is, en om een of ander rede is dit nie meer vir my belangrik om iets nuuts te publiseer nie. Navorsing gee skielik vir my veel groter plesier en die belangrikste van alles: ek voel ek het werklik níks om tot ’n letterkundige webbladsy soos Versindaba by te dra nie, maar soos Juliet vir Romeo gesê het: Parting is such sweet sorrow, dus voor ek eendag finaal tot siens sê, het die volgende woorde van die vroeg Latynse digter Horatius my skielik vandag laat dink:

“’n Prent is ’n gedig sonder woorde”,.

Dus sal ek van nou af so dan en wan een van my foto’s op hierdie blad plaas, woordeloos ja, titelloos ja, want dit is vir my veel makliker en dalk sê daardie prentjie meer as wat ek my in woorde sou kon uitdruk.

Hier dus my Gedig sonder woorde (nommer een)

Bookmark and Share

Een Kommentaar op “Philip de Vos: ‘n Prent is ‘n gedig sonder woorde”

  1. Suzette Booyens :

    Dankie, Philip, vir die kosbaarhede wat jy reeds met ons gedeel het. Sedert ek jou jare gelede op Oudtshoorn gehoor, gesien en ontmoet het, is ek ‘n bewonderaar. Jou gebruik van die taal, jou kwaliteitstem, jou kwinkslae, limirieke en humor het ons kultuur verryk. Ek het ook al baie plesier van jou foto boek gehad. Dit het my soveel nader aan ons kunstenaars gebring. En vandat my dogters Susan en Hannelie my gehelp het om deur die tegnologie nuwe vriende te maak en ou vriendskappe te hernu, was dit vir my fantastiese om soveel mooie te ervaar en te bewaar. Jy sou ook opgelet het dat jou foto’s my stimuleer en dat ek dit soos gedigte met min woorde geniet het. Menigmaal het ek dan my eie vertolking daaraan gegee. Nogmaals dankie en sorg dat wat jy ook al navors, goed gedokumenteer word. Vriendelike groete, Suzette

    ek het oo

  •