Plekgedig 9: Irene Blignaut . Kaapstad, plek van nuwe begin

KAAPSTAD, PLEK VAN NUWE BEGIN

  

Die Suid-Ooster wat mens op jou tande laat kners

het gaan lê en Tafelberg kruip skamerig uit onder sy wolkkombers;

Ek kyk oor die berg se hang – af na die see

en die goudglans van son op die water, bring ‘n vreemde heimwee.

 

O Kaapstad, plek van nuwe begin,

‘n toeverlaat vir boorling en vreemdeling –

menige traan is op jou strate gestort

en saam met die geskiedenis het jy oud geword.

 

Al voel jy die vibrasies van politiek,

Al maak rowerbendes jou ingewande siek,

vir my sal jy altyd bekoor met jou skoonheid

en my lippe sal verkondig jou roemrykheid.

 

Jou heuwels en jou dale,

Jou wingerde en jou beeskrale,

al die versiersels wat jy sorgvuldig omhang

bring my hiér, vol heimwee op Tafelberg se hang.

 

 

 

 

 

 

Bookmark and Share

Comments are closed.

  •