Breyten Breytenbach. Biebie skryf ‘n gedig vir sy 81ste
Biebie skryf ‘n gedig vir sy 81ste
as dit so moet aanhou
is ek een van die dae vol mondig
genoeg om wettiglik ‘n vuurwapen te gebruik
en sommer so wild in die kol te preek :
die gedig is ‘n skietding
grootbek is ek al van toeka se tyd :
party mense vergelyk my tereg
al vererg ek my ook
met ‘n pampoen altyd paraat
vir ‘n skeutjie suiker en ‘n vraat vir soene
maar dis nie waar nie : my suikersiekte
laat dit gin toe en as ek so van monddig praat
is dit soos ‘n haas met lippe aan die slaap
wat kwylend toekyk hoe bobbejane die pampoenland verniel :
dis nie te sê nie
ek sê my ou kameraad da agter die baar :
hoe lykkit met nog ‘n paar
jaar se doppieklink daar ?
(en maakit vi my maa ‘n dubbelloop seblief…)
herfspampoenvooraand, Uitland 2020
Ha, ja. Dankie, BB. Heerlike vers, heerlik, heerlik.