Bester Meyer. Rewolusie, Lalie?

 

 

 

 

Revolusie, Lalie?

 

my land is my lied

my ode vir nou

al uit die suide –

 

my energie

die dans van my hande –

al dansende ballerina

van wonde –

 

ek pleeg in oorleg

die daad van die dode

tot lewen(s)terwens-dag

se moorde –

 

my ministers pryk

noord van die grense

soos die

al-magtiges al uit die noorde:

gebind in naam om die kwadrant

van lokale verdowing en

ideologiese uiting – opnuut –

te vervolmaak

 

sodat een plus een

een kan bly

en twee – uiteraard –

van bed en tafel geskei.

 

en wat van die revolusie?

vra sy

met gebalde vuisies –

energieke bolletjies wind

wat soos

ʼn suiwer – Suid – Afrika

noord – waarts – paradeer

pas–makeer, La – lie, dá – nie?

 

© Bester Meyer, 2020

 

(Foto: Confucius: The Great Digest & Unwobbling Pivot -translated by Ezra Pound, Peter Owen Limited)

 

 

Bookmark and Share

Los kommentaar

 

*

  •