Alwyn Roux. Terugreis

 

Terugreis 

 

kom ons reis terug

met papier op reis terug

die trein op spoor

ontspoor ons by ʼn bruin kafee

 

ná ys en yslike koue

ná ’n busstop verkluim

van koue die bruin kafee

warm die hond se asem

die donker Belgiese bier

 

alleen dan wandelende

terug op die spoor van vertelde tyd

(hoe tyd vertel in landskap

en oopvou tot gedigte)

iets van jou

iets van herinnering

iets van liefde

van wat ook verlange

 

om alleen te reis beteken

om die tyd saam met jou

terug te spoor en jou terug

te vind op daardie plekke

van gister

 

© Alwyn Roux, 2021

 

Bookmark and Share

Los kommentaar

 

*