Joan Hambidge. Fallen Apostrophe

 

Fallen Apostrophe

 

As ek net die berg

kon terugkaats na jou –

hierdie berg waarna jy jou

hele lewe lank terugverlang

(het)

 

daardie blou blou berge

van die Boland

wat jy moes agterlaat

soos ‘n verlore tas

vol juwele foto’s sertifikate

(bewaar)

 

in die grimmige Transvaal

is jou ongedurigheid weemoed

‘n aanwesigheid en met jou

meerderwaardigheid afwysend

in jou lewe ongeleef verminder

(daar)

 

as ek net die berg

kon terugkaats na jou –

hierdie berg nou sou

ek / jy alles bepaald kon ophef

(hier)

 

as ek net die apostroof weer kon

(optel)

 

© Joan Hambidge, 2021

 

Bookmark and Share

Een Kommentaar op “Joan Hambidge. Fallen Apostrophe”

  1. De Waal :

    Lees gerus Fanie Olivier se bundel “Apostroof” (H&R 2010) hiermee saam.

Los kommentaar

 

*