Vroedpolitiek
‘n Politikus besef sy selflof raak bietjie tipsie
en hy moet dringend korrigeer deur induksie,
maar die wiele kom af toe hy redes verskaf:
Ek het gesê ek spreek onder korrupsie.
© Pirow Bekker, 2023
*
Wiskunde op 90
“Hou matigheid voor oë,” sê die oom aan die joernalis
oor die rede vir sy prestasie deuskant die kis.
“So oud geword,” sê ‘n tweede, “want ek ry met die bus.”
‘n Derde krap kop: “Seker maar gebore so lank t’rug.”
© Pirow Bekker, 2023
*
elon musk het pas die wêreld verras
om na hollywood te verkas
om charlize theron om haar hand te vra
elon musk het pas suid soedan met sy tesla aanleg verras
© Hennie Maartens, 2023
*
Diengemalerie
eskom het van elon
‘n wekker ontvang
met ‘n ingeboude son
wat ontkragting kiering
© Margaret Cordier, 2023
*
NASA
vandag het die maan weggebreek
twee planete verbygesteek
in ‘n versnellende wentelbaan
die heelal in 11 dimensies verdeel
© Margaret Cordier, 2023