Wannéér ons dwerge word
Jacques Brel
Die swart basalt sal steeds die water breek
en in die grysstof van vulkane op ons wag.
Die doodskleed van die laagste lug sal vlak
vanoor die dyke en die Schelde vlae hang
op halfmaste wat bo die Grote Markt oprys.
En Antwerpen sal soos ’n Vlaamse minlose
afsydig in die ysreën van die Noordsee kyk
want ons, die dwerge, sal soos wolke word
wat rou omdat die bome in die woude sterf
en die Ardenne en die burge afskeid neem.
Ja, ons sal die fantome bo die seilers wees
wat afkyk oor die bootman in die stormsee
wanneer ons name teen die leistene verskyn.
Maar ek is nogtans bang Jojo, my asem vlak:
hou styf my hand, en moenie weggaan nie.
© Mellet Moll, 2023