Lasarus: resussitasie-eggo’s
Mals heengekom in die engelse land
lê ek summier my vroeēr digkuns neer:
kelder dit toe vir bykans veertig jaar
diep en ver weg in die suidersonland
se doodgerypte winterveldvlakte
sodat daar toe geen gesuis of sweemsel
sputters ongehoorde woordmanklanke
verrys uit dit wat heimlik en doodstil
ademloos dormant begrawe lê nie
tog het iets hier spontaan
uit moertaalbanke
spiksplinternuut
verrys
en word nou
mildelik
gereël(d) gesmee
om opwekkend
in klank en kleur
sy voortbestaan
in omwentelings weer te gee
© Meyer van Rensburg, 2024