Voetslaner
Vlieg of voetslaan…
ek wou altyd vlieënd
bo almal my weg baan.
Met my sewende sprong
is die wind ongesien
deur windmaker klong
pogend om hoër te gaan
uit my skerm gehaal
teruggestort op grondvlak
skokkend in die aardvarkgat getrap.
Knarsende been sjirurgies afgekap.
Nou met badtyd as ek my een voet was,
kom die verhewe Mens by my op
wat ander se voete kom was
en as ek op my prostese staan
begin ek eers profeties voet te slaan.
© Dietloff van der Berg, 2024.
The AVBOB Poetry Competition reopens its doors on 1 August 2024. Please visit www.avbobpoetry.co.za to familiarise yourself with the competition rules and to read some winning poems from previous years.