Die buitekant
ek het ‘n vertaalde boek gelees
Die buitekant van Meneer Jules
wat dood op die rusbank sit waar
hy besig was om koerant te lees
sy vrou vertel niemand want sy het
nog te veel om hom mee te deel
soms om tienuur kom die buurvrou
se seun om ‘n potjie skaak te speel
met die buitekant van meneer jules
hy weet die binnekant is lankal weg
en net hy en die vrou weet daarvan
en soms laat hy die dooie man wen
snags skrik ek wakker en wonder of
ons almal dalk ook net buitekante is
met binnekante wat lankal weg is
en iemand kom elke dag vir ‘n spel
en laat ons dan en wan ‘n potjie wen
sodat ons kan aanhou met asemhaal
*Die buitekant van Meneer Jules deur Diane Broeckhoven. Vertaal deur Christine Barkhuizen le Roux (Naledi 2015)
© Hannes Visser, 2024
Die doppe waarmee ons onsself omhul. Mooi gedig Hannes. X
Hannes, dit laat my funk aan my gedig “Dolleeg” alhoewel myne nie oor die liggaam se dood handel nie, maar die duel s’n