Telrympie: yan, tan, tethera
In Yorkshire, toe sy net sewe was
moes herder Molly al die skape tel
yan, tan, tethera, fethera, pip
maar sy’t nooit geleer van een, twee, drie
nie en het dit dus op háár manier gestel
azer, sezar, akker, conter, dix
tel op haar vingers sodat sy
yaindix, taindix, tetheradix, fetheradix, bumfit
vir elke twintig wat sy kry
yanabum, tainabum, teherabum fetherabum, jigget
’n klippie in die aftelsak kan sit
nou wonder ek of in die kerk se deur
yan, tan, tethera, fethera, pip
die wagter met sy klippies weer
azer, sezar, akker, conter, dix
die skape een vir een só tel en fieks
en in die pêrelpoort tel hulle
yaindix, taindix, tetheradix, fetheradix, bumfit
die ene en die nulle
yanabum, tainabum, teherabum fetherabum, jigget
om oor aankomelinge te waak
yan, tan, tethera, fethera, pip
en altyd seker te bly maak
yaindix, taindix, tetheradix, fetheradix, bumfit
dat niemand ooit verdwaal en dit
yanabum, tainabum, teherabum fetherabum, jigget
om hul knus geborge
in die enumereersak te kan sit
yan, tan, tethera, fethera, pip
© Meyer van Rensburg, 2024