Hurkende windhond, skugter draak
’n Liefdesgedig vir Breyten en Yolande
Die hondekadawer het gaan hurk
by die samevloeiing van twee riviere.
Volg die spoor van die skugter draak
deur oneindige reïnkarnasies heen.
In die jaar van die jagter,
het ek 2,360 riviere oorgesteek,
42,000 kilometers gefynkam om jou te vind
onder troebel waters,
maar die veerman se roeispaan
wil my tong in die onderwêreld anker.
In mondelinge tradisie gly vuurtonge
deur die kreukels van bevrugte papier
word in lotuskroonblare toegedraai
as padkos vir die deurpad na ons towerstad.
In die Tonkin en Mekong deltas
is die gelykenis van die plante
’n moesonreën van kosmiese woorde
waar sappige fantasieë trillend oopbreek.
© Yolanda Faye Holden, 2024