Pous se toestand ‘nou kritiek’
Netwerk 24, 22 Februarie 2025
Verstrengel in maanhaar
en toom skreeu ‘n jongman,
pleitend, sy gelofte
teen die weerlig in. Boeke tot as
tree ‘n monnik nou tot bid en vas
en soeke na ‘n vaste burg. Met
vreugde volkome oor suiwer genade
en geloof as anker, níé dade,
val eeue-oue vestings voor
die teoloog van Wittenberg.
Vyf-en-neëntig keer
is Sola Scriptura sy skild
en verweer
teen hóm wat god op aarde is.
© Stephan du Toit, 2025