Andries Gouws
‘n Ekfrastiese lykdig
Om nuut te kyk
selfs na ‘n minuskule
voorwerp, ‘n kwas
of lap, dwing die kyker
om iets onbenulligs raak te sien.
Lig en komposisie en kleur
saamgesnoer perfek
met stilte as jou métier.
‘n Venster geopen met
nog een of twee binne-in dalk
van jou huis in renovasie?
‘n Deurgang
oop en bloot gereed
vir die oorgang oorbeweeg oorloop
na die skildery se agterkant.
© Joan Hambidge, 2025
https://woordfees.co.za/en/program/ateljeebesoeke-by-kunstenaars-andries-gouws/
