Winternag
Vir JLM
vergeet maar van natuurliriek
sonder die eko-politiek
selfs ’n gesprek oor die weer
word maklik teen jou gekeer:
“glo jy in klimaatsverandering
en fatale aardverwarming?
indien nie, voorwaar verdien jy
om dié seisoen swaar te kry”
arme, arme Eugène Marais
jy het absoluut niks meer te sê
oor die Hoëveldse kou
en ryp in elk grashalm se vou
hulle soek nou doemprofete
vir regverdiging van hul gewete
© Daniel Hugo, 2025