Uncategorized

Wenners van Versindaba kompetisie vir vertaalde gedigte

Thursday, February 4th, 2021

 

 

Eerste prys

Johann de Lange

se vertaling van T.S. Eliot se “The Love Song of J. Alfred Prufrock” uit Engels in Afrikaans as “Die  minnesang van J. Alfred Prufrok”.

https://versindaba.co.za/2021/01/05/t-s-eliot-vertaling-in-afrikaans/

 

 

 

Tweede prys

 Heilna du Plooy

se vertaling van Willem van Toorn se “De Jongenskamer” uit Nederlands in Afrikaans.

https://versindaba.co.za/2020/11/24/willem-van-toorn-vertaling-in-afrikaans/

 

 

 

Derde prys

René Bohnen

se vertaling van Boerneef se “My blokfluit is van palissanderhout” uit Afrikaans in Engels.

https://versindaba.co.za/2021/01/10/boerneef-vertaling-in-engels/

 

 

 

Vierde prys

Waldemar Gouws

se vertaling van Bob Dylan se “Union Sundown” uit Engels as “Die unie se son sak” in Afrikaans.

https://versindaba.co.za/2020/11/18/bob-dylan-vertaling-in-afrikaans/

 

GEEN KORRESPONDENSIE SAL OOR DIE UITSLAG VAN HIERDIE KOMPETISIE GEVOER WORD NIE

 

 

 

 

Wenners van Versindaba kompetisie vir vertaalde gedigte: 4 Februarie om 8:00

Wednesday, February 3rd, 2021

 

Die wenners van die Versindaba kompetisie vir vertaalde gedigte word môre, 4 Februarie 2021, om 8:00 op Versindaba se tuisblad aangekondig.

 

Aangesien daar relatief min gedigte in die kategorie vertalings van Afrikaans na ander tale ontvang is, het die beoordelaars alle gedigte bloot as vertalings beoordeel en word daar nie pryse in verskillende kategorieë toegeken nie. Ons het wel ‘n vierdie prys geskep wat aanvanklik nie beplan was nie.

 

Marlies Taljard

(Inhoudsbestuurder: Versindaba)

 

 

De Waal Venter. Uitverkiesing van spesies

Wednesday, February 3rd, 2021

 

 

 

 

Uitverkiesing van spesies

 

 Hoenders kyk na mekaar

en peil

hulle teenstanders.

 

In die diep kuile

van die riviere

sweef seekoeie plegtig

deur die skemer water.

 

Pikkewyne stap penregop

waterkant toe

asof op pad na ’n idee,

diep ingedagte oor die inhoude

van hulle toesprake,

kundig gevou

met die prag van origami.

 

Muskiete hang aan die helikopters

van hulle skellende vlerke,

tuur af in die nag

na die landskap onder,

soek teikens

wat sonder verdediging

weerloos lê.

 

Katte loop tussen

hande deur,

verdra dit maar

om die lomp voedselverskaffers

se bonkige plesiere

ter wille te wees.

 

’n Klein persentasie mense

kom in hulle drome

af op waarhede:

grense tussen genusse

is lukraak,

hondesiele besit stemreg,

en hulle stem –

nou en vorentoe

in die uitverkiesing

van spesies.

 

© De Waal Venter, 2021

 

 

Ek wou nog sê. Episode 8 – 1 Februarie 2021

Saturday, January 30th, 2021

 

 

 

Episode 8 van Ek wou nog sê word Maandagaand 1 Februarie 2021 om 19:30 – 20:00 op VIA uitgesaai. Daar is ‘n heruitsending op 14 Februarie 2021 om 22:00.

In hierdie episode voer Daniel Hugo ‘n onderhoud met Churchil Naudé en Joan Hambidge resenseer By die dag van Eunice Basson.

 

 

Ek wou nog sê. Episode 7 – 25 Januarie 2021

Saturday, January 23rd, 2021

 

 

Episode 7 van Ek wou nog sê word Maandagaand 25Januarie 2021 om 19:30 – 20:00 op VIA uitgesaai. Daar is ‘n heruitsending op 31 Januarie 2021 om 22:00.

In hierdie episode voer Daniel Hugo ‘n onderhoud met Antjie Krog en Joan Hambidge resenseer Die meeste sterre is lankal dood van Johann de Lange.

 

 

Kontantprys vir beste artikel

Friday, January 22nd, 2021

 

Uitnodiging aan nagraadse studente, pas afgestudeerdes en navorsers

 

Versindaba rig graag ‘n uitnodiging aan nagraadse studente, pas afgestudeerdes en navorsers of ander kundiges op die gebied van die poësie, die literêre teorie, filosofie of enige ander rigting wat verband hou met die bestudering van poëtiese tekste om op gereelde grondslag of eenmalig kort artikels (500 – 800 woorde) oor aspekte van hulle navorsing aan ons te stuur. Dit impliseer nie afgehandelde navorsing of akademiese artikels nie, maar kort grepies met interessante inligting. Sodoende bly ons op die hoogte van navorsing en tendense op ons vakgebied en bied dit nuwe fokuspunte vir die lees, begrip en waardering van poësie.

Aan die einde van 2021 loof ons dan ‘n kontantprys van R2 500 uit vir die beste artikel en R1 000 vir die naaswenner.

Inskrywings kan gestuur word aan die Inhoudsbestuurder: taljard.marlies@gmail.com

Vertalers het nog tyd tot 20 Januarie 2021 om 23:59

Tuesday, January 19th, 2021

 

Versindaba se kompetisie vir vertaalde gedigte sluit môre, 20 Januarie 2021 om 23:59.

Vertalers kan tot dan nog hulle vertalings instuur.

Wenners sal voor 20 Februarie 2021 aangewys word.

 

Ek wou nog sê. Episode 6 – 18 Januarie 2021

Saturday, January 16th, 2021

 

 

 

Episode 6 van Ek wou nog sê word Maandagaand 18 Januarie 2021 om 19:30 – 20:00 op VIA uitgesaai. Daar is ‘n heruitsending op 24 Januarie 2021 om 22:00.

In hierdie episode voer Daniel Hugo ‘n onderhoud met Fanie de Villiers en Nini Bennet resenseer Grondwater van Marlise Joubert.

 

 

  •