Christo van der Westhuizen

Christo v.d. Westhuizen is ’n man van vele beroepe. Hy was al myner, onderwyser, taalpraktisyn, joernalis, boekresensent en senior dosent in literatuurwetenskap en mediastudies aan die Universiteit van Limpopo, waarna hy hom as kopieskrywer bekwaam. In 1998 behaal hy sy D Litt et Phil aan Unisa. As bemarker is sy werk plaaslik en internasionaal bekroon – ‘n voorbeeld is sy konseptuele ontwikkeling van die AVBOB Poetry Project wat in 2018 deur M&M Global in Londen aangewys is as die beste internasionale veldtog in die sektor finansiële dienste. Christo is die medestigter en besturende direkteur van die et al Groep.

Alhoewel Van der Westhuizen se debuutbundel, Chrisalis, eers in 2019 by Naledi uitgegee is, was skryf nog altyd deel van sy lewe. Skryf is vir hom sowel roetine as dissipline.