Posts Tagged ‘Anton Dockel gedig’

Anton Dockel. Tentoonstelling

Saturday, August 28th, 2021

 

Prentententoonstelling 1956

 

Tentoonstelling

 

Die galery en sy uitstalling

werwel om ’n spilpunt

die vensterruite wring

’n litografie lek uit sy raam.

In die poel ink representeer

die stad en die galery weer

 

Die smeersel ink

wat uit sy dimensies wegseil

kronkel terug op sy stert

deur ’n venster in ’n galery

kyk ’n waarnemer

deur die venster van ’n galery

in Senglea, Malta

hoe ’n afbeelding op ’n afdruk repeteer.

 

In teenstelling hang

die ander afdrukke vir die uitstalling

stil, plat teen die muur

alibi’s reeds afgespreek

soos getuies wat ’n storie inoefen

vir môreoggend se presentasie

asof die uitstalling ’n hofsaak is

waar ’n vonnis mag val

as representasie se betoog nie slaag

 

Die pleit

ter versagting:

 

Skeld my kwyt

dit was onmoontlik ek

dit is nie soos dit lyk nie

ek was ge-frame

Tussen afdrukke ingedruk.

Op ’n uitkenningsparade

net aan ’n raam geëien.

Deur ’n venster afgeloer –

In ruitglas verwring

met Senglea in Malta buite binne

dit lyk nie soos dit is nie

op ’n kuns

uitstalling nie

 

Senglea October 1935 Woodcut