Posts Tagged ‘Corlien Jacobs gedig’

Corlien Jacobs. Heel

Saturday, December 4th, 2021

 

Heel

Soos wat die rafels van my hart verloor,

flits die kiekies deur my gedagtes oor en oor

en my siel is besig om te ontbind

soos die stukke wegwaai in die wind.

Die rou seer stadig aan die wegkwyn

en die warboel van emosies verdwyn.

Uit die stof en as word ek nuut gebou,

stap ek daaruit ‘n sterker vrou

met my kop hoog, die toekoms tegemoet

soos wat ek die trane van die verlede groet.

My hart lig en met oë vol hoop,

sal ek verder na nuwe hoogtes loop.

So het ons almal ‘n storie om te deel

van hoe ons gebreek het en toe word ons heel.

 

© Corlien Jacobs, 2021