Posts Tagged ‘Covid -19 gedig’

Hannes Visser. Covid-son 18 April

Monday, May 18th, 2020

 

 

 

 

die herfsson het vanoggend vroeg

met minagting van die inperking

deur die voordeurskreef gebars

en vierkanthelder op die sitkamerdeur

(wat deesdae altyd toe is)

die somberheid van jou afwesigheid

kom besweer

 

© Hannes Visser, 2020

 

Hannes Visser. Covid-internering

Tuesday, May 12th, 2020

 

‘n verweerde bank en ‘n lazyboy voor ‘n telefunken-televisiestel

en tretchikoff se green lady  langs ‘n verbleikte slag van bloedrivier

‘n enkelbed en eendeurkas agter ‘n gordyn in die hoek

 

‘n vergeelde ketel, ‘n tweeplaatstoof en ‘n stil yskas

drup ‘n  waterspoor oor deurgetrapte bruin linoleum

‘n bottel handy andy en ‘n bloublokkievadoek op ‘n rak

 

‘n tandeborsel, ‘n waslap en skyfie lifebuoy-seep

twee skeefgetrapte pantoffels en ‘n deurgewaste japon

‘n bad met koue water en

Dood

se stilte

 

© Hannes Visser, 2020

 

  •