Posts Tagged ‘Daniel Hugo kwatryn’

Kwatrynkompetisie (60)

Thursday, March 25th, 2021

 

Die werkers klets en rym in die wingerd

terwyl die virus tussen ons plunder;

die oes word ingebring, gepars, gekelder

en ons bly sing ondanks die indringer.

 

© Daniel Hugo, 2021

 

 

 

Kwatrynkompetisie (45)

Friday, March 19th, 2021

 

Die digter Omar Khajjam was ’n Pers

wat die rooiwyn berym in vers ná vers.

Eeue later land Hugenote aan die Kaap

met húl psalms en eie druiwepers.

 

© Daniel Hugo, 2021

 

Kwatrynkompetisie (40)

Thursday, March 11th, 2021

 

Die kwatryn as sjampanjebottel

 

In die eerste word die draadjie losgewikkel,

in die tweede die staalharnas afgesukkel

en selfs as jy dan versigtig die kurk uit-

trek is daar ’n verrassing in die laaste reël!

 

© Daniel Hugo, 2021

 

 

 

Kwatrynwedstryd (39)

Wednesday, March 10th, 2021

 

Veredeling vereis afsondering

en wilde gisting lei tot berusting –

dit alles leer ons by die druif en sy

gedrag in dié tydperk van inperking.

 

© Daniel Hugo, 2021

 

 

 

Kwatrynwedstryd (36)

Monday, March 8th, 2021

 

Korona

 

Een en almal nugter ingegrendel

word daar naarstig dag ná dag geswendel

met wyn wat kan verdoof – terwyl geketting

die aarde om ’n stralekroon wentel.

 

© Daniel Hugo, 2021

 

 

 

Kwatrynkompetisie (16)

Friday, March 5th, 2021

 

Ons taal ontstaan met wingerdsweet en wyn –

daarom dat dié woorde so maklik rym:

flink en skink, klink en drink, rinkelend en rinkink

selfs in ’n nugter Persiese kwatryn.

 

© Daniel Hugo, 2021

 

 

 

Kwatrynkompetisie (17)

Tuesday, March 2nd, 2021

 

Die geparste druif ken ook kwarantyn

in elke koel kelder se skemerskyn

totdat dit geskink en gedrink word

in die helder son van ons samesyn.

 

© Daniel Hugo, 2021

 

 

 

Kwatrynkompetisie (1)

Saturday, February 27th, 2021

 

Kom, gooi nog ’n glasie van Mont du Toit:

rosé vir die manne, rooi vir die nooi.

Dit kom uit gesonde grond – wie proe

bly ver van die pes en word nooit sy prooi.

 

©Daniel Hugo, 2021