Versindaba
~ 'n Weblog vir die Afrikaanse digkuns ~

Kom vier die hede.

Skuif die pandemie na die verlede.

Want die druif is gepars

en bied vrolikheid en vrede.

© Driekie Grobler, 2021

Vriendskap is kosbaar, vriendskap is goed.

Laat ons dit vier met wingerd se soet.

Geen pandemie kan omgee kelder

om die genot daarvan in te boet.

© Driekie Grobler, 2021

Die wingerd se opbrengs

Deur pandemie begrens

Smaak steeds soet op die tong

van ieder hoopvolle mens

© Driekie Grobler, 2021

Ek gun jou die vryheid van samesyn.

Ek gun jou vriende met goeie wyn.

Mag geen pes of pandemie ooit

jou vertroue in hoop laat kwyn.

© Driekie Grobler, 2021