Posts Tagged ‘Eduan Naudé gedig’

Eduan Naudé. ‘n lewe as fisika

Tuesday, May 24th, 2022

 

‘n lewe as fisika

 

my vriende en familie

is ‘n versameling boeke en bundels

netjies gerangskik in die dorp

se wit munisipale biblioteekrak

van woordeboeke, how-to guides en comics,

tot kinderstories en

die hele reeks Encyclopedia Britannica

hier is my pa ‘n avontuurverhaal,

my ma ‘n bloemlesing afrikana

 

en ek

(die een onder in die trollie

wat die bibliotekaris bly vergeet om weg te pak)

is een getiteld:

 

Entropie en die twede wet van termodinamika

 

© Eduan Naudé, 2022

 

Eduan Naudé. ‘n definisie van entropie

Tuesday, May 24th, 2022

 

‘n definisie van entropie

 

Wat is lewe?

Volgens Schrödinger

niks meer as kortstondige orde

binne die groter

chaos

van die heelal

elke   lewende   wese:

etlike proefstukke

wat vergeefs worstel na ‘n mate van verstaan:

‘n spinnekop wat sy web presies span

turbines wat wind as gestoorde krag opvang

die mens se soeke na ware liefde en omgang

en as gevolg ‘n embrio gebore daarvan

 

steeds onvermydelik dié

verval

            van verniel en

van verraad

daar is katastrofe in die uitwissing van die by

van aardverwarming en die smelt van pool ys ‘

dit is die aard van energie

en van   materie

met Formules kan ‘n fisikus    dié

onsekerheid pre5ies bepaal

TOT op die punt waar alles al_om = eQuiliBrium bereik

,toT     1n

                                                                                   di3       laaste

                                                                 ᶁ00

Ɖ

£ina@L .

 

© Eduan Naudé, 2022