Posts Tagged ‘Elisabeth Hentschel kwatryne’

Kwatrynkompetisie (74&75)

Tuesday, March 30th, 2021

 

74

 

Die pandemie vra so baie van mense:

offers en die prysgawe van wense.

Nuwe wyn vra nuwe sakke, die nuwe normaal vra

hoop, geloof en liefde sonder enige grense.

 

*

75

 

Pandemie en inkluistering vra nuwe verse,

want woorde bring lig soos kerse,

woorde verander water in wyn

en omvou ons harte salwend soos met sagte komberse.

 

© ElisabethHentschel, 2021

 

 

 

Kwatrynkompetisie (33-34)

Friday, March 5th, 2021

 

My lief, in kwarantyn skryf ek vir ons ‘n kwatryn

oor liefde en samesyn, rose en wyn,

want al sluip die pandemie rond soos ‘n dief in die nag,

bly staan die hoop wat nooit nie kwyn.

 

*

 Dag en nag speel ek op my eensnaar-ramkietjie

Die ou, ou pandemieliedjie.

Die sin van die lewe lê in lief én leed, daarom:

drink die lewenswyn bietjie vir bietjie.

 

© Elisabeth Hentschel, 2021