Posts Tagged ‘Hantie Viljoen gedig’

Hantie Viljoen. Om die draai van onthou

Thursday, September 2nd, 2021

 

Om die draai van onthou

 

Om die draai van onthou

klink die hemel se lied,

en die son sing akkoorde

sonder woorde.

 

Om die draai van onthou

blom die winterblom soos toe

in kleure van geel en blou.

 

Om die draai van onthou

treur die wilger steeds

trooswoorde uit die son,

akkoorde sonder woorde

 

Om die draai van onthou

sing die hemel steeds

en jou beeld dans dol,

jou naam staan geskryf

in kartels van die water

wat ek tog nog kan lees

in die draai van onthou.

 

©Hantie Viljoen, 2021