Posts Tagged ‘Hein Viljoen gedig’

Hein Viljoen. Grendelstilte

Tuesday, May 26th, 2020

 

grendelstilte

 

stilte sypel deur die veraf koer

van duiwe, die wildegans se skal,

suis in blare, kom lê teen jou wang

die boom oorkant skel geel teen die blou lug

 

ek kerf die blare, jy die tamatie,

‘n takkie dille terwyl jy die eiers uitdop

en opsny, dik klodders mayonnaise byvoeg

ons ons soort salade nicoise vredig eet

die mensgemaakte vuur in die voorkamer

spoel oor die meubels en kleur ons gesigte

 

of ek staar in die vlamme, ‘n rokie krul

luierig, jy lê en lees op die bank waaronder

die akkedis voorlopig skuiling gaan soek het,

ek trek aan my bier, vinkies krakeel

oor die saadjies in die bak

 

stilste sypel sag soos skemer in

 

© Hein Viljoen, 2020

 

Hein Viljoen. Politiek van die pens / Politics of the belly

Monday, May 25th, 2020

 

Politiek van die pens

Opgedra aan al die ANC-kaders
wat kospakkies vir die armes misbruik

 

die ou teef is rond en vet en al swaai-swaai

haar tette al amper op die grond

sal sy, as genoeg heuning van jou tong afdruip,

jou dalk laat saamsuip aan haar ou hondepens

 

Opmerking: Die Amerikaners noem dit pork-barrel politics, wat ek misgelees het as pork-belly politics, oftewel hondepenspolitiek

 

Politics of the belly

Dedicated to all ANC cadres who misuse
food parcels meant for the poor

 

though the old bitch is round and fat and her paps

swing just above the ground

she will, if enough honey drips from your tongue,

perhaps also let you suck from her swollen belly

 

© Hein Viljoen, 2020

 

  •