Posts Tagged ‘Helize Janse van Vuuren kwatryn’

Kwatrynkompetisie (128)

Wednesday, April 21st, 2021

 

isse Kôwit hier en ‘n Kôwit daar

nou speel ek op my laaste snaar

‘n derde golf en die berg onner vuur

maggie rooiwyn tog iets ligters baar

 

© Helize Janse van Vuuren, 2021

 

 

 

Kwatrynkompetisie (127)

Wednesday, April 21st, 2021

 

djy maak my Kôwithart so bly

met djou voel ek na vry

so sag so rooi so mooi

as djy so in my keel afgly, o Caab-er-nij

 

© Helize Janse van Vuuren, 2021

 

 

 

Kwatrynkompetisie (125)

Wednesday, April 21st, 2021

 

pleng rooiwyn wat die Kouwit-see verswart

(elke druppel heel ‘n ou bruin hart)

tussen vonkelglas en turkooissee

bloei harte nog van dié apart

 

© Helize Janse van Vuuren, 2021

 

 

 

Kwatrynkompetisie (116)

Thursday, April 15th, 2021

 

Waterkrag

/xam-ka !ke-ten /ne ta, !khwa: /i: ki ta§-i  tƒwen-ta  -ku

[boesmans sê, water dra alles weg – Chrissiesmeer-batwa]

 

Die kersvlam druip nou klein, ontlaer en ontheem,

net die Kouwit-steenuil wat nog prewelend ween:

“dis bloed wat hierdie oord se bossie-wortels voed”.

Drink mêr-lou(w). Tale sypel weg, elke kieselsteen.

 

© Helize Janse van Vuuren, 2021

 

 

 

 

Kwatrynkompetisie (85)

Friday, April 2nd, 2021

 

By Wellington vroeër Von Wielligh se Leeuedans-plaas,

met gepraat in Maleis en Afrikaans.

Verdwene die stemme, die mense, die tale:

net Covid-se-rooiwyn bring nog ‘n trans.

 

© Helize Janse van Vuuren, 2021

 

 

 

Kwatrynkompetisie (83)

Thursday, April 1st, 2021

 

Twintig jaar in eikehout bewaar

dan gebottel vir nog ‘n jaar:

ingeperk soos die Cabernet

sit hul na die blouberge te staar.

 

© Helize Janse van Vuuren, 2021

 

 

 

Kwatrynkompetisie (68)

Sunday, March 28th, 2021

 

Onder die stert smeersels terpentyn

as êrens nog neurie ’n serafyn.

Bedroesemde wyn uit die ou seemanskis:

skink nuwe rooies vir kwarantyn.

 

© Helize Janse Van Vuuren, 2021

 

 

 

Kwatrynkompetisie (65)

Saturday, March 27th, 2021

 

Al ruik als na taal wat verdwyn

(skaarse gelag of dans-klaradyn

futloos die kroeses met Kouwit) –

tog tintel die wynglas met wéérskyn.

 

© Helize Janse Van Vuuren, 2021