Posts Tagged ‘Hennie Meyer gedig’

Hennie Meyer. Ballade van die Dose

Thursday, June 2nd, 2022

 

Ballade van die Dose

 

ken jy my nou

het jy die spieël gesien

en ken jy jou

 

vra die nek vir die ken

want sien die geneek van die ken en die nek

is dat hul mekaar nie uitmekaar kan herken

as gevolg van die gewig van die gedig

se ek

 

en die gesprek

speel af in die sleep van die spieël

dapper met die trappe af

 

want die vet ou kan nie vertrou

op die vet vrou

vir wie die spieël

soos ‘n hond aan ‘n hand is

om te help met die dra

veral omrede sy nie ‘n bra

en self gewigtig is

 

dus dat sy weerkaatsing in die spieël

vir die nek en die ken van onskatlike waarde is

want sien hy besit nie eens een spieël nie

en woon arm in ‘n kamer

 

wat nou afgebrand het

 

as gevolg van ‘n brandstigter

is die hele stad in vlamme

 

al van gister

 

© Hennie Meyer, 2022

 

Hennie Meyer. Escher

Thursday, July 15th, 2021

 

 

MC Escher. Guards

 

 

 

Uit: Winkel van wanklanke, 2020

 

Hennie Meyer. sestig met gesigte in gestig

Wednesday, May 5th, 2021

 

sestig met gesigte in gestig

 

op

opper

opperman

 

eina ina

dring in

kroeg

 

boos boser boes

rym altoos met

doos en poes

 

van wyk wou

 

gesigsbedrog gedrog

en olga met kers

 

dalk raak hul gewoond

aan mekaar se oond

 

o lag

 

adam small

en peter blum

 

verbloem tot blom

 

breyten in bruid

tuin

wil na stok in stroom

en allerhande

ander lande

 

gee spies

en eybers eiers

 

uys

het u

‘n ander sy

 

wat maak jan rabie

met die barbie

pop

 

‘n verskriklike verskil

 

ogie

 

tot die oerge orgie

van weduwee viljee

 

net ‘n verpeste perverse vers

sonder broek

 

 

NB:    nie ernst

ig

 

© Hennie Meyer, 2021