Posts Tagged ‘Huldiging MM Walters’

Daniel Hugo. Ou digter

Tuesday, July 28th, 2020

 

Ou digter

Vir M.M. Walters

 

die kritici sê sy takelwerk rafel uit

ideoloë kelder sy idees, beweer

hy vaar met die verkeerde wind in sy seile

uitgewers begin hul hawens vir hom blokkeer

 

hy streel rustig sy gesoute baard, skink dan weer

en beskou leedvermakerig vir ’n wyle

– sy boot is waterdig, die wêreldeinders wyd –

hoe ’n lam vlieg om en om in sy wyn laveer

 

(Uit Openbare domein, Naledi, 2018)

 

 

  •