Posts Tagged ‘Ilse van Staden gedig’

Ilse van Staden. Teenstaan

Monday, January 24th, 2022

 

Teenstaan

 

Julle dwing, per reël en regulasie,

my dié wapenrusting aan –

hande gewas en mond gesnoer –

maar ek trek my dit aan,

soos gietyster oor my hart

trek ek my dit aan,

en as ek dan teen Goliat –

dié berg-van-ʼn-molshoop –

in volle gereedheid moet staan,

eis ek ʼn vergunning:

om met my eie wering

in godsnaam vrý

sonder julle helm en harnas

sonder masker of muilband

heen te gaan.

 

© Ilse van Staden 2021