Posts Tagged ‘Jo Prins gedigte’

Jo Prins. stad

Friday, July 12th, 2013

stad

 

’n grasperk se stilte lê

tussen die swartoognooi en die lekkende swembad

 

die middag tom waits toe

’n bedelende dwerg by die voorhek opdaag

 

maar die hadidas

maak die oomblik aansienlik meer hitchcock

 

jy skink nog wyn

en sê dié stad gaan jou nog mal maak

 

dis ’n lieflike stad, sê jy,

die adderlieflikste stad

 

© Jo Prins.2013

  •