Posts Tagged ‘kennisgewing’

Andries Bezuidenhout. Die geval van die trollie

Tuesday, December 8th, 2009

Die hele jaar lank vlieg ek bo-oor die Karoo. Elke liewe maand moet ek afkyk en dink: “Ek wil nie hier bo wees nie. Ek wil daar onder in die stof en tussen die fossiele rondry.” Ek het drome gehad van treinritte vir my maandelikse besoeke aan Stellenbosch. Ek sou spoorlangs gedigte skryf, nuwe digbundels lees. Maar nee. Jy kry jare wat jou aan die strot beetgryp en jare wat jou aan die nek sleep. Hierdie was ʼn nekjaar. Geen treine nie. Net vliegtuie. Jaag om die huurkar te kry. Jaag Stellenbosch toe. Jaag terug lughawe toe. Vergeet skoon die Jack Parrow-CD in die huurkar se masjien. Uiteindelik, na ʼn jaar, kry ek weer ʼn kans om in droë plekke rond te ry. Trompsburg te besoek. By Matjiesfontein oor te slaap. Ons gaan vir ten minste ʼn week op ʼn plaas naby Sutherland uitspan. Verskoon dus maar ongereelde besoeke hier. Om mee af te sluit, ʼn stukkie humor uit die Johannesburgse Algemene Hospitaal, waar die hysbakke nou al vir maande lank Kenny G sing. Lees meer oor die kennisgewing hier bo.

  •