Versindaba
~ 'n Weblog vir die Afrikaanse digkuns ~

Sambrele in die son

hoekom loop al die vroue

van Suid-Afrika nie

met sambrele in die son

dink net hoe kan

so ‘n verskroeide land

weer blom

© Margaret Cordier, 2022

Na die gedig VROEGHERFS van NP van wyk Louw.

die jaar breek oop in sluise

die lug was swart … toe

die eerste druppels val

nou bruisend teen die helder lug

sproei die water

‘n reënboog vir ons trug

o, Heer, laat hierdie jaar

heilig word

uit alle dood en wanhoop

nuwe lewe spruit

waar vol riviere loop

‘n enkel jeug weer drome droom

U wind wat wolke waai

my op laat kyk na bo

© Margaret Cordier, 2022

Terugblik.

gister se reën het opgedroog

die uitspoelvoortjies lê

ingeëts aan die oppervlak

ek tel my kop op

— kyk die lug

in die oë

geen bliksem

of donder

sal my verskrik

my opvangskottel loop oor

© Margaret Cordier, 2022