Tag: Marieta McGrath kwatryn

  Vyftig skakerings van wyn   Daar is soveel variëteite: merlot 501Y.V2, Pfizer, cinsault … maar die mees dekadente is dit wat ek teugie vir teugie drink saam met jou   © Marieta McGrath, 2021      

  Tydelik is ons verblyf: Virusse infiltreer die lyf. Maar soms ruik ek die aarde nat uit die wingerd stuif.   © Marieta McGrath, 2021      

  Vier reëls oor lewe, die pandemie en die dood en oor dieselfde gis as die in brood wat in ‘n wynvat die ou patroon herhaal van nuwe lewe in die moederskoot.   © Martieta McGrath, 2021      

  Wingerd    Ons land, gebuk aan kwarantyn, weet soms nie of die son nog skyn. Maar kyk die wonderwerk: uit son, uit lug, uit water kom wyn.   © Marieta McGrath    

  God wat pandemiebekers skink, laat soms die mens vrank druiwe drink – onthou dan, mens, die kruis, die hisoptak, die léwenswyn wat daarop blink.   © Marieta McGrath, 2021