Posts Tagged ‘Michael Brien’

Andries Bezuidenhout. Die Fosterbende word vervolg

Monday, August 3rd, 2009

‘n Rukkie gelede het ek in my Rapport-rubriek oor die tragiese geval van die Fosterbende geskryf. Die bende is in 1914 in ʼn grot in Kensington vasgekeer en het besluit om eerder selfmoord te pleeg as om aan die polisie oor te gee. William Foster se vrou Peggy is deur die polisie toegelaat om haar man te besoek en het toe saam met hom selfmoord gepleeg. In die rubriek het ek gewonder wat van die twee se babadogtertjie geword het. Lees dit hier.

Toe, verlede week, reageer Michael Brien, wat ʼn boek geskryf het oor die Fosterbende en die dood van generaal Koos de la Rey, op my rubriek met ʼn hele rits interessanthede. Hy laat egter nie die kat uit die mou oor wat van hulle dogter geword het nie. Daarvoor sal ʼn mens sy boek moet aanskaf. Slim van hom. Lees dit hier. (Ek hoor by Pieter Malan van Rapport die boek begin met die raaisel van die babadogtertjie.)

Ek sien Fransjohan Pretorius het ʼn resensie in die Die Burger van Brien se boek geskryf – ʼn positiewe resensie, maar met baie voorbehoude. Lees dit hier.

Die hele saga (nie die een in die koerante nie, die een van die Fosterbende) is genoeg om ʼn dekselse goeie fliek van te maak!

  •