Versindaba
~ 'n Weblog vir die Afrikaanse digkuns ~

SARA BESOEK SUID-AFRIKA VIR HAAR PA SE BEGRAFNIS
(gebou uit gesteelde skerwe sms en vertaalde liriek)

maak my dood sara, maak my weer dood met liefde
op die lughawe, soek
jou boek tevergeefs
ek voel my geluk kan draai
yes, was vinnig hier
vir my pa se
begrafnis. spyt my dit was so kort
dit gaan ʼn wonderbaarlike dag wees
was ʼn mooi
begrafnis
red my uit die vliegramp red my uit die wrak
toe ek dit gehoor
het, het ek heeldag
Radiohead geluister
ons staan by die afgrond
want toe ek jou van
ʼn RH konsert geteks
het, het jou pa pas
gesterf
die staatshoof roep my naam
maar ek het nie tyd vir jou nie
RH is nou vir
my begrafnismusiek
ons staan op die afgrond ons staan op die afgrond

Sien “Lucky” op Radiohead se OK Computer