Posts Tagged ‘Roger McGough’

Louis Esterhuizen. Nuwe president vir Poetry Society

Wednesday, January 11th, 2012

 

Na die iewat ongemaklike omstredenheid waarin Brittanje se Poetry Society onlangs gedompel is weens bestuursprobleme en die onttrekking van twee kandidate op die kortlys vir vanjaar se T.S. Eliot-prys, het hulle verlede week hul nuwe president aangewys. En verrassend genoeg is dit die veteraan, dog uiters gewilde, Roger McGough (foto).

Hierdie aanstelling volg nadat Judith Palmer in Mei verlede jaar bedank het weens kritiek teen haar administrasie; sy is toe deur Jo Shapcott opgevolg, met Sean O’Brien, Don Paterson en Anne Stevenson as bestuurslede. In Augustus verlede jaar is Palmer egter weer in haar vroeerë pos aangestel nadat meer as 1,000 geregistreerde digters ‘n petisie ten gunste van haar heraanstelling aan die Arts Council England voorgelê het. ‘n Verdere komplikasie vir die Poetry Society is dat die Arts Council England die £360,000 befondsing vir hul projekte weerhou het vanweë hierdie onsmaaklike geskrop in ‘n onwelriekende hoenderhok. Verlede week het die ACE egter bekend gemaak dat hulle “recently released some funding to the Poetry Society in recognition of the considerable progress it has made towards meeting the conditions we set over the summer”, en dat hulle van voorneme is “to move to a full restoration of funding in the new year”.

Volgens The Guardian se berig is die aanstelling van Roger McGough as nuwe president ‘n gewilde een. McGough het aan The Guardian se beriggewer genoem dat hy geëerd voel met die aanstelling en bygevoeg: “I believe that poetry will become more relevant and important over the coming years, and an efficient and well-run Poetry Society should be there to embrace it.”

Shapcott het na McGough verwys as “a wonderful new president”, vanweë sy “strong connection with poetry readers, his generosity to other poets and the range and brio of his own work”. Carol Ann Duffy, Brittanje se poet laureate, het McGough beskryf as ‘n “national treasure” en “patron saint of poetry”. Volgens Duffy kenmerk “a serious depth of experience, vitality and irrepressible wit” die nuwe president.

Vir jou leesplesier volg ‘n toepaslike vers hieronder; dieselfde vers waarmee die kersboom op Trafalgar Square versier is.

***

 

Roots

 

Like a poem around a tree
Like a freedom flag unfurled
A homeless refugee
I have travelled round the world

I remember slanted mountains with dusted white peaks
ivory snow and emerald green trees.
I remember the tickle going up my spine
when birds settled on my branches.
The soft footfall of a passing fox.

I remember the sweet smell of pine-scented smoke
wafting from chocolate log cabins.
I remember thinking that there will come a time soon
When I will no longer remember any of this:

A sickle moon
The scrunching sound of footsteps
A brutal saw chomping through my bark
and the snow slides off me like a silken robe.

The squabble of sea birds and an icy deck
the savagery of ropes and roller-coasting waves,
until eventually, the warm cuddle of sleep.

In a clearing in the concrete forest of a city
I rise to the noise of pigeons and car horns,
Of children laughing and crowds cheering.
With 500 white lights I am adorned. Am excited.
Crowned with a star. I am adored and delighted.

When the children leave and the music stops
And the lights and the words taken down
Unlike the tree I have put down roots
In London, my new home town

Lights, camera, action!
A switch is pulled
and I light up like an angel.

 

© Roger McGough

 

 

Poëtiese reklameflitse

Monday, December 21st, 2009
In die kol reklame

In die kol reklame

Robert Graves het by geleentheid die volgende opmerking gemaak: “There’s no money in poetry, but then there’s no poetry in money, either.” Dit wil egter nou voorkom asof dié uitspraak die afgelope tyd ernstig onder druk geplaas word deur die Britse reklame-agentskappe. So gebruik McDonald’s die volgende reëls uit ‘n gedig van Rolf Harris: “The Gothy types and scoffy types and like-their-coffee-frothy types were just passing by.” Nog ‘n voorbeeld is Pete Postlethwaite wat die volgende poësie kwytraak in ‘n advertensie vir Cathedral City  cheddar kaas: “On the A47 it’s cheese with cucumber / It’s lunchtime for her as the rest of us slumber.”

Volgens The Guardian se berig is daar sommer ‘n horde ander instansies wat begin het om poësie in te span vir reklamedoeleindes. Hieronder tel die AA, Waitrose, Center Parcs en Prudential.

Maar hoe voel die digters hieroor? Liverpool se beroemste digter, Roger McGough, het die volgende te sê gehad:  “It doesn’t always please me. It’s like when you hear music used in an advert and you feel it has degraded it. But as long as the poems are used respectfully, I think it can be OK. Center Parcs used Leisure by William Henry Davies, and Waitrose used Keats’s To Autumn. I wrote a poem for a Prudential ad campaign, but Adrian Mitchell said he wouldn’t do it. Verse has always been used in adverts – memorable language and the expectancy of rhyme are powerful – but it has to be used respectfully.”

Nick Toczek, wie se gedig deur Prudential gebruik is, het sy bereidwilligheid tot misbruik soos volg gemotiveer:  “Shakespeare would have thought commercialism was worth it. Populism is good. The more language matters to people the better. Look how Auden sold after Four Weddings and a Funeral. But there is a line – I would have reservations about the politics of doing a poem for McDonald’s, for example. But my Prudential poem is still the most recognised of all my poems. It took me 20 minutes to write, was broadcast 5,000 times and earned me £5,500.”

Die reëls wat deur Prudential gebruik is, lees soos volg: “Our kids, who’ve grown and flown the nest, / Now only phone us to request / More cash on loan, their tone depressed.”

Nou ja, toe. Laat ons nie die krag van die poëtiese woord of frase onderskat nie!

***

Nuwe plasings op die webblad is Bernard Odendaal se resensie oor Lucie Möller se bundel Watermerke, en ook Carina Stander wat op haar blog een van haar gunsteling aanhalings uit die boek Women who run with wolves, met haar lesers deel.

Ten slotte – my kar staan alweer gepak om môre-oggend baie vroeg die pad na die noorde aan te durf. Hierdie is dus die laaste Nuuswekker tot kort voor die nuwe jaar … Graag wil ek en Marlise dan van hierdie geleentheid gebruik maak om elkeen van ons Versindaba-besoekers en -deelnemers die allermooiste Kerstyd toe te wens. 

As toegif vanoggend, nié DJ Opperman se bekende “Kersliedjie” nie, maar ietsie op ‘n meer persoonlike vlak: Marlise se pragtige “Kersoggend” , met die hoop dat Kersdag vir jou en jou geliefdes ook ‘n tyd van stille vreugde sal wees … (Terloops, as verdere leesprikkel kan jy gerus Willem Jan Otten se “adventessay”, asook sy vertaling van T.S. Eliot se gedig “The Journey of the Magi”, hier op De Contrabas te lese kry.)

Nuuswekker hervat weer volgende week.

Mooi bly.

LE

 

(Kersoggend)

 

so stil begin die dag –

 

op die horison ‘n silwer ketting

van heuwels ingekurwe

met die roerlose landskap

enkele vlietende vlerke van voëls

gevurk oor ‘n wingerd

soos die stiltes

tussen note van ‘n fluit

 

so stil begin die dag –

 

tussen die gespierde bene

van ‘n enkele donker boom

rus die tjello van ‘n oggendson

en die dun strykstok van ‘n wolk

halveer die strale van lig

soos stiltes

van klanklose klank

 

asemloos

onuitgesproke 

so stil begin die dag

sing

 

(c) Marlise Joubert (uit: Lyfsange, 2001: Protea Boekhuis)

 

  •