Posts Tagged ‘Susan Pike gedig’

Susan Pike. Six-love

Wednesday, October 20th, 2021

 

Six-love

 

Klein Dennis van Middelste Straat

wou niks weet van virus se raad

hy slaan homself kis

aan balle wat mis

maar laat hom tog six-love ompraat.

 

© Susan Pike, 2021

 

Susan Pike. Mondjie gesnoer

Wednesday, October 20th, 2021

 

Mondjie gesnoer

 

Hardhorende Dawie van Schoor

wou vroulief in lock down stil toor

haar muti gevoer

en mondjie gesnoer

tog bly sy steeds voor in die koor.

 

© Susan Pike, 2021

 

Susan Pike. Klets en swets

Wednesday, October 20th, 2021

 

Klets en swets

 

‘n Rapper wat woon aan die Rand

rym vrolik die land aan die brand

hy klets en hy swets

so koel byderwets

maar lê nou kapot op die strand.

 

© Susan Pike, 2021

 

Susan Pike. Frikkie Viljoen se soen

Wednesday, October 20th, 2021

 

Frikkie Viljoen se soen

 

Viljoensrus se Frikkie Viljoen

wou Rita se rooi mondjie soen

hy mik in sy skik

maar skrik dat hy hik

haar mond is ‘n masker grasgroen!

 

© Susan Pike, 2021

 

Susan Pike. Bierplesier

Wednesday, October 20th, 2021

 

Bierplesier

 

Die brawe oom Barry Breda

wil glad nie oor covid bly kla

‘n virus wat moor

laat hom nie verloor

sy pynappelbier sal hom dra.

 

© Susan Pike, 2021