Posts Tagged ‘Waldemar Gouws kwatryn’

Kwatrynkompetisie (139)

Wednesday, April 28th, 2021

 

die afrugkaanse kring en kie drink saans hul wyn ook uit goeie glase

dese en gene verskyn selfs in die kollig van covid soos gewone hase

hier is dan hul melaatsgeproklameerde taal om viviseksioneel te verbloem

– ons kry die bitter beker en beletseltekens voor die teater in ‘n skemerfase

 

© Waldemar Gouws, 2021

 

 

 

Kwatrynkompetisie (117)

Monday, April 19th, 2021

 

(inderdaad pesnuus)

 

die son skakeer ‘n uitgesoekte lap van ons landskap

nou in ‘n kleur van die ou praktyk met roode sap

die oes is gepars die voltrekking daar op die gismoer moet begin

maar kyk die voorman is afwesig besig om die hout vir vate flenters op te kap

 

© Waldemar Gouws, 2021

 

 

 

Kwatrynkompetisie (113)

Monday, April 12th, 2021

 

-waarts!

 

eg waarheid? hoe laf daardie idee is mos oor die muur

jou portuur se prêt-à-porter dien doodreg vir elke liewe uur

mens neem feitlik die hele heelal oor so       voetstoots

g’n bolkopvirus gaan ons aanlyn vonkelwyn versuur!

 

© Waldemar Gouws

 

 

 

Kwatrynkompetisie (107)

Friday, April 9th, 2021

 

daai bottel ai daai besige bottel! mense, keer dat hy vergaan

kry ‘ie virus onner ja dink vinnig voor jul naderstaan

dis allie hanne son en water oppie suidelike grond

wat daai bottel somme’ gou so op sy kop ga’t staan!

 

© Waldemar Gouws, 2021

 

 

 

Kwatrynkompetisie (97)

Monday, April 5th, 2021

 

middelklasskemer

 

ek hoor die buurvrou stofsuig neuroties: die plek is al donker

mens sien haar gewoonlik met ‘n korrelpers masker

die huise staan hier na aan ‘n wingerd: hoë stokke, droë grond

so agtermekaar hou sy dinge vir haar eie mistieke wynmaker

 

© Waldemar Gouws, 2021

 

 

Kwatrynkompetisie (88)

Friday, April 2nd, 2021

 

veritas

 

wie nou sag sweer ag, in virus veritas

is net nie reg, nee kom maak eerder ‘n las

want hoe later met hierdie pes hoe kwater

kry die wynman bid vir daai kelder en hou jou glas

 

© Waldemar Gouws, 2021

 

 

 

 

Kwatrynkompetisie (43)

Sunday, March 14th, 2021

 

vir hoe lank was daar nie landwye pyn

ras self was vas in kwarantyn

dog onder én bolangs het dinge gegis

– onthou net jou plengoffer; geniet dan die wyn!

 

© Waldemar Gouws, 2021

 

 

 

Kwatrynkompetisie (10&11)

Monday, March 1st, 2021

 

(10)

wynplaas by Blouvlei

 

die stroewe wingerdstok se greep in die grond

vat ook iets onstofliks vas – dit is in my mond

gedra van elders reg deur donker kelders;

ons ontspan net hier – ontsnap die koronakoors  – : gesond!

 

*

 

(11)

aan die voet van die Hawekwaberge

 

die gaste korrel nie na die Khoi-Khoi

maar aan ‘n tros van ‘n Franse druif so rooi

jy wonder wat van daardie ou herders te sê sal bly

die Hawekwa tog is deur ‘n soort plaag hier úitgegooi

 

© Waldemar Gouws, 2021