Versindaba
~ 'n Weblog vir die Afrikaanse digkuns ~

48

klink op gesondheid nou ‘n kelkie wyn!

erken die ware gewydheid van ons samesyn

verlig om kaalvoet in die son te bly lewe:

hoe vergal  was al ons nagte tog in kwarantyn!

*

49

gegroet! klink op gesondheid nou ‘n glasie wyn

om dit weer reguit te stel in hierdie kwatryn:

want wyn is die venster om deur mense te sien

blyk daar ‘n waarheid of is alles net skyn?

© Waldemar Gouws, 2021

(28)

is wyngaard ‘n verouderde woord van ‘n verlate land

of nie ‘n landskap onder ‘n wolk met ‘n beloftelose rand

die ideaal is self vrug: by ‘n bekken by ‘n kuip

en wyn is nie nes die laaste woord in die pes van ons tyd se hand

***

(29)

‘n donkerte van drie dae pre-eskom so dik jy kon dit ongelowig gryp

net die heilige blindes was toe nie regtig in die knyp

en dit pas na pes onder plaasdiere rou swere aan minister en muis

ook die elite se vleespotte kapot en die ou land glad nie vir wingerdbou ryp

© Waldemar Gouws, 2021