Posts Tagged ‘Zandra Bezuidenhout limeriek’

Zandra Bezuidenhout. In die Baai het die jongklomp laat waai

Wednesday, November 3rd, 2021

 

In die Baai het die jongklomp laat waai

met ‘n jaarlikse jol langs die kaai.

Tussen hip-hop en tango

en ‘n wals vir die vashou

het baldans weer koning gekraai.

 

© Zandra Bezuidenhout, 2021

 

Zandra Bezuidenhout. Neef Bennie die bok van Benoni

Wednesday, November 3rd, 2021

 

Neef Bennie die bok van Benoni

het gesing soos ou Elvis nie kon nie.

Net sy ruk en sy rol

het ‘n bietjie gelol

maar sy kitaar was genoeg om te kielie.

 

© Zandra Bezuidenhout, 2021

 

 

Zandra Bezuidenhout. Nig Nellie van Elandsfontein

Wednesday, November 3rd, 2021

 

Nig Nellie van Elandsfontein

was ‘n meisie van fyn porselein.

Sy was fleurig en keurig

maar bra punteneurig

en die kêrels het een-een verdwyn.

 

© Zandra Bezuidenhout, 2021

 

Zandra Bezuidenhout. ‘n Lywige boer van Napier

Wednesday, November 3rd, 2021

 

‘n Lywige boer van Napier

het gevry op sy eie manier.

Sy soene was giftig

maar sy pens te gewigtig

om ‘n nooi in die kooi te plesier.

 

© Zandra Bezuidenhout, 2021