Op ouderdom 82 het Erwin Rode pas sy eie digbundel gepubliseer. Dit heet: om ’n Melkweg te skep.
Die bundel sal op Sa. 5 September by die SA Sentrum vir Nederland en Vlaandere (SASNEV) in Pinelands (Kaapstad) bekendgestel word. Dit is ’n voorreg vir SASNEV om die lokaal beskikbaar te stel.
Die bekendstelling sal die vorm van ’n tweegesprek aanneem tussen Erwin Rode en Daniel Hugo van Turksvy Publikasies (die uitgewery). Daniel is ’n gevierde digter met 17 bundels op sy kerfstok en vele pryse.
Uiteraard sal eksemplare te koop wees (net per kaart).
Datum: Saterdag 5 September 2026
Tyd: 10:00 vir 10:30
Plek: SASNEV, Sentraalplein 4, Pinelands (Kaapstad)
Plek is beperk en jy word versoek om asb. te RSVP aan eureka@sasnev.co.za
Nader inligting is te vinde op die voor- en agterplat van die boek.
As jy nie die bekendstelling kan bywoon nie, is die ander uitkoms dat jy ’n bestelling per e-pos by Turksvy Publikasies kan plaas.
Kontak gerus vir Erwin Rode by +27 (0)82 321 7193 vir enige navrae.