Desembergedig
Gardenia Jasminoides
in die fleur van ons huwelik
plant ons net buite ons kamervenster
twee tingerige Gardenia Jasminoides
ons eie Kaapse jasmyn
met emmers vol reënwater
doop ons hulle Katjie en Piering
hulle word die mooiste meisies
wat Desembers roomwit blom
en oral waar hulle kom
ruik jy katjiepiering
sagsoet soos Kersfees
© Elmarie Stofberg, 2025