Foto 20 – Sneeu op Rogge Cloof
https://photos.app.goo.gl/yMJaFhYqpg1ETy678
Jou Beeld
die Karoo se koue asem
maak my vensters blind,
jou beeld staan wasig
agter ‘n spikkelgordyn;
my vinger volg die lyne van jou lyf
terwyl druppels teen die glas afgly
die oggendkoue klou aan my
en kloof sy pad oop
na jou asem smeulend,
jou arms warm om my gevou;
nou voel ek net —
die glas yskoud teen my wang
anderkant die ruit
hang Roggekloof se ryp
spierwit aan doringbome,
byt aan die droë gras;
en jou beeld — ‘n ysterman
wat sy arms swaai
in die wind
© Elisma van Zyl, 2026