“Die wind in die baai het gaan lê” is een van talle gedigte uit N.P. van Wyk Louw se laaste digbundel, Tristia (1962), wat in ’n mens se kop bly maal nadat jy dit die eerste keer gelees of voorgedra gehoor het.
’n Opname van Louw wat self die gedig lees, het saam met 29 ander voorlesings verskyn op ’n laserskyf getiteld N.P. van Wyk Louw – gedigte. Geen inligting word op die CD-omslag of die CD verskaf aangaande ’n samesteller of uitgewer daarvan nie. Op die CD verskyn wel die volgende kode: K5F05F1085312. Waarskynlik is die album saamgestel uit klankopnames in die SAUK-argief.
Klik hieronder om die voorlesing van “Die wind in die baai het gaan lê” te hoor.
Die gedig is getoonset deur Wilhelm Joubert, en deur Johan Engelbrecht vertolk in die 1995-produksie “Groot, groter: N.P. van Wyk Louw”. Klik op die volgende internetskakel om die betrokke lieduitvoering te sien: https://www.youtube.com/watch?v=yFkMbUIQ1ls.
Ek kan nie die roete Seepunt om na Houtbaai toe ry sonder om hierdie woorde te wil hoor nie.