Oorwinning
my hart wou verdrink
onder die gewig van ander
se ongeduld, haat, stilte en swaarte
van elke ongevoelige
venynige woord
skadu’s van onbekende môres
het my lag verdring
tog het die wete van gister
se oorwinning
my trots laat swel
my laat besef
ek is steeds wel
© Anzè Bezuidenhout, 2026
Al die gisters vorm ons as mense maar ons moet lewe in die hede met hoop. Ons kan slegs die hede betrag. Ons is deur die gisters en ons moet leef met dankbaarheid vir die dag aan ons gegewe. Die digter beeld die oorwinning met soveel oorgawe in woorde uit. Pêrelstukkie wat ek graag elke dag met lesers sal wil deel. Besonders verwoord.
Baie dankie Pierce, ek waardeer jou woorde en dieperlees