waterorrel
almal het geweet dat
die show begin met popcorn en
popcorn alleen,
moenie laat wees nie
die nostalgie van
toffieappels, fudge, chappies
wilson’s toffies, coke en
chipstix
word nie hier bedig nie,
nie fizzers, sugus of chomp nie
hier word sonder aankondiging
wrang verlange terug gebring, die
water wat opskiet in geel lig eers
en blou hemelwaarts, op en op
en op
soos dit fontein
en val bou,
die wonderlike water-
wegvoer
‘n gesin staan en kyk, ‘n kind lag
en is stil eenslag met die swiep van water oor ‘n benoude gesig.
Die pa staan en niks.
die ma wanneer die spuite sterker word, lilapers
rooi en groen
hef haar beethoven aan: kom julle ons moet gaan
kom
en vat die man se koue hand
en gaan
© ND Cronjé, 2026